monumenta.ch > Beda Venerabilis > bnf5226.245 > csg458.43 > sectio 30 > sectio 24 > csg247.203 > csg457.13 > csg458.10 > sectio 3

Wortauswahl für das Suchen

Melden Sie einen Fehler in dieser Sectio
Hrabanus Maurus, Martyrologium, 1, 3
III NON. Romae Anteros papa et martyr, qui duodecim annos rexit Ecclesiam, et martyrum gesta diligenter exquirens recondit in ecclesia, qui etiam martyrio coronatus. In coemiterio Calisti sepultus est via Appia. Parisiis civitate, depositio Genofevae virginis, quam sanctus Germanus eiusdem urbis episcopus in infantia Deo virginem consecravit. In Tomis civitate, nativitas Titi episcopi, qui sub Lucinio inter tirones comprehensus, cum nollet militare, caesus ad mortem carcere mancipatus, missus in cippo est, donec relatione esset responsum, dimersoque in mare, delato corpore eius in littore, a religiosissimis viris depositum est in villa Amandi religiosi viri, ubi fiunt curationes magnae.